Հայկական Տարազ
Հայերի ավանդական հագուստը
Հայկական տարազը հայերի ամենօրյա հագուստն է եղել։ Ըստ Գ․ Տաթևացու, տարազում գերակշռող գույները չորս տարերքների գույներն են։ Հայաստանի ամեն գավառ ուներ իր տարազը։ Ամեն գավառի տարազ տարբերվում էր մյուսներից, բայց գաղափարը մնում էր նույնը։ Տարազի վրայի նախշերը հիմնականում բաժանվում են մի քանի մասի՝ բուսածաղկային, սերմահատիկային և թռչնակերպ։ Նմանատիպ նախշեր նաև օգտագործվում է հայկական քանդակագործության, ոսկերչության, մանրանկարչության մեջ։
Տղամարդու տարազ��Տղամարդկանց տարազը բաղկացած է եղել շապիկից, վերնազգեստից, և մորթե բաճկոնից, ներքևի հատվածում տաբատից, շալվարից, գոտուց։ Երբեմն գլխին դրել են գլխանոց։ Հագել են մաշիկներ։ Երբեմն գուլպայի տակ կաշի էին ամրացնում և այդպես հագնում։ Արդյունքում և տաք էր լինում և ոտքը չէր թրջվում։
Կանացի տարազ��Կանացի տարազը բաղկացած է եղել հագուստի տակից սպիտակ տաբատանման ներքնազգեստից, շապիկից, շրջազգեստից, բաճկոնից, գոգնոցից, կոպիից, քողից։ Կրկին հագել են մաշիկ կամ մաշիկանման գուլպա։ Տարվա մեջ ունեցել են մեկ կամ երկու տարազ։